კლიენტის მიზანი იყო სხვა კომპანიაში წილის შეძენა და ტრანზაქციის დასრულებამდე იმის განსაზღვრა, წარმოშობდა თუ არა გარიგება საქართველოს კონკურენციის კანონმდებლობით გათვალისწინებულ დამატებით მოთხოვნებს.

TB Legal-მა შეაფასა ტრანზაქციის სტრუქტურა, შეძენილ წილთან დაკავშირებული უფლებები, სამიზნე კომპანიაზე პირდაპირი ან არაპირდაპირი კონტროლის მოპოვების შესაძლებლობა, მონაწილე კომპანიების ფინანსური მაჩვენებლები და შესაბამისი მარეგულირებელი ჩარჩო.

სამართლებრივი შეფასების შედეგად კლიენტისთვის განისაზღვრა გარიგების კონკურენციის სამართლებრივი მნიშვნელობა და ის საკითხები, რომლებიც ტრანზაქციის დასრულებამდე უნდა ყოფილიყო გათვალისწინებული.

II. როდის შეიძლება წილის შეძენა ჩაითვალოს კონცენტრაციად?

კომპანიის წილის შეძენა პირველ რიგში საკორპორაციო გარიგებაა, თუმცა გარკვეულ შემთხვევებში იგი კონკურენციის სამართლის მიზნებისთვის კონცენტრაციასაც წარმოადგენს.

„კონკურენციის შესახებ“ საქართველოს კანონის მე-11 მუხლის მიხედვით, კონცენტრაციის ერთ-ერთი ფორმაა წილის, ფასიანი ქაღალდების, ხელშეკრულების ან სხვა საშუალების გამოყენებით ერთ ან რამდენიმე ეკონომიკურ აგენტზე პირდაპირი ან ირიბი, სრული ან ნაწილობრივი კონტროლის მოპოვება.

შესაბამისად, მხოლოდ შეძენილი წილის პროცენტული ოდენობის შეფასება ყოველთვის საკმარისი არ არის.

მნიშვნელოვანია დადგინდეს, რა უფლებებს იღებს შემძენი და აძლევს თუ არა გარიგება მას შესაძლებლობას გავლენა მოახდინოს სამიზნე კომპანიის მნიშვნელოვან სტრატეგიულ გადაწყვეტილებებზე.

III. კონტროლის მოპოვების შეფასება

კონცენტრაციის კონტროლის სისტემაში ერთ-ერთი ცენტრალური საკითხია კონტროლის მოპოვება.

კონტროლი შეიძლება გამომდინარეობდეს არა მხოლოდ წილობრივი მონაწილეობის ოდენობიდან, არამედ ხმის უფლებებიდან, მმართველ ორგანოებზე გავლენიდან, მნიშვნელოვანი გადაწყვეტილებების დაბლოკვის ან დამტკიცების უფლებიდან, პარტნიორთა შეთანხმებიდან ან სხვა სამართლებრივი მექანიზმებიდან.

ამიტომ TB Legal-ის მიერ ტრანზაქცია შეფასდა არა მხოლოდ ფორმალური წილობრივი სტრუქტურის მიხედვით, არამედ შემძენისთვის მინიჭებული უფლებებისა და გარიგების რეალური მმართველობითი ეფექტის გათვალისწინებით.

ამ საკითხებზე უფრო დეტალური ანალიზისთვის იხილეთ ჩვენი სტატია – კომპანიის წილის შეძენა: როდის არის საჭირო კონკურენციის სააგენტოს წინასწარი ნებართვა?.

IV. კონცენტრაციის შეტყობინების ვალდებულების შეფასება

თუ წილის შეძენა იწვევს კონტროლის მოპოვებას, შემდეგი საკითხია იმის განსაზღვრა, ექვემდებარება თუ არა გარიგება კონცენტრაციის წინასწარ შეტყობინებას.

მოქმედი კონცენტრაციის თაობაზე შეტყობინების წარდგენისა და განხილვის წესის მიხედვით, სააგენტოსათვის შეტყობინებას ექვემდებარება კონცენტრაცია, თუ მასში მონაწილე პირთა ჯამური წლიური ერთობლივი შემოსავალი საქართველოში აღემატება 20 მილიონ ლარს და, ამასთან, მინიმუმ ორი მონაწილიდან თითოეულის წლიური ერთობლივი შემოსავალი აღემატება 5 მილიონ ლარს.

შესაბამისად, ტრანზაქციის შეფასებისას საჭიროა ორი ძირითადი საკითხის ერთობლივად შემოწმება:

იწვევს თუ არა გარიგება კონტროლის მოპოვებას;
აკმაყოფილებენ თუ არა კონცენტრაციის მონაწილეები შესაბამის ფინანსურ ზღვრებს.

TB Legal-ის მიერ აღნიშნული საკითხები შეფასდა ტრანზაქციის დასრულებამდე, რათა კლიენტს წინასწარ ჰქონოდა ინფორმაცია შესაძლო მარეგულირებელი ვალდებულებების შესახებ.

V. კომპეტენტური ორგანოს განსაზღვრა

კონცენტრაციის შეფასებისას მნიშვნელოვანია განისაზღვროს არა მხოლოდ შეტყობინების ვალდებულების არსებობა, არამედ რომელი ორგანოა კონკრეტული ტრანზაქციის განხილვაზე უფლებამოსილი.

ეს საკითხი განსაკუთრებით აქტუალურია მაშინ, როდესაც ტრანზაქციის ერთი ან რამდენიმე მონაწილე საქმიანობს ეკონომიკის რეგულირებად სფეროში, მათ შორის ენერგეტიკის, ელექტრონული კომუნიკაციების ან საფინანსო სექტორში.

ასეთ შემთხვევებში კომპეტენცია შეიძლება დამოკიდებული იყოს მონაწილეთა საქმიანობის სფეროზე და გარიგების კონკრეტულ სტრუქტურაზე.

TB Legal-ის შეფასება მოიცავდა ტრანზაქციის მონაწილეთა საქმიანობის სფეროსა და შესაბამისი კომპეტენტური ორგანოს განსაზღვრის საკითხსაც.

VI. საქმის შედეგი – ტრანზაქციის კონკურენციის სამართლებრივი გზის განსაზღვრა

TB Legal-ის ჩართულობის შედეგად კლიენტმა მიიღო დაგეგმილი კომპანიის წილის შეძენის კონკურენციის სამართლებრივი შეფასება.

სამუშაოს ფარგლებში:

შეფასდა ტრანზაქციის სტრუქტურა;
გაანალიზდა შემძენისთვის მინიჭებული უფლებები;
შეფასდა სამიზნე კომპანიაზე კონტროლის შესაძლო მოპოვება;
გაანალიზდა კონცენტრაციის შეტყობინების შესაძლო ვალდებულება;
შეფასდა შესაბამისი ფინანსური მაჩვენებლები;
განისაზღვრა კომპეტენტური ორგანოს საკითხი; და
კლიენტს მიეცა რეკომენდაციები ტრანზაქციის შემდგომი განხორციელებისთვის.

შედეგად, კლიენტს შესაძლებლობა ჰქონდა გარიგების დასრულებამდე წინასწარ გაეთვალისწინებინა კონკურენციის სამართლებრივი მოთხოვნები და შესაბამისი მარეგულირებელი რისკები.

ეს საქმე აჩვენებს, რომ M&A ტრანზაქციაში იურიდიული შეფასება მხოლოდ წილის ნასყიდობის ხელშეკრულებით არ შემოიფარგლება. კონკრეტული გარიგების სტრუქტურის მიხედვით შესაძლოა საჭირო გახდეს კორპორაციული და კონკურენციის სამართლის ერთობლივი ანალიზი.

VII. სამართლებრივი დახმარება წილის შეძენისა და M&A ტრანზაქციებში

TB Legal არის იურიდიული ფირმა, რომელიც ბიზნეს კლიენტებს ეხმარება M&A ტრანზაქციების კონკურენციისა და კორპორაციული სამართლის საკითხებში.

ჩვენი კონკურენციის სამართლის მომსახურება მოიცავს კონცენტრაციების კონტროლს, კონტროლის მოპოვების შეფასებას, შეტყობინების ვალდებულების განსაზღვრას, ფინანსური ზღვრების ანალიზს და შესაბამის მარეგულირებელ ორგანოსთან ურთიერთობას.

ამასთან, ჩვენი საკორპორაციო სამართლის მომსახურება მოიცავს წილების შეძენა-გასხვისებას, კორპორაციული სტრუქტურის ცვლილებასა და სხვა M&A საკითხებს.

თუ გეგმავთ სხვა კომპანიაში წილის შეძენას, ინვესტორის შემოსვლას, კომპანიების შერწყმას ან სხვა გარიგებას, რომლის შედეგადაც შესაძლოა სხვა კომპანიაზე კონტროლი მოიპოვოთ, შეგიძლიათ დაუკავშირდეთ TB Legal-ს გარიგების შესაბამისი სამართლებრივი გზის წინასწარ შესაფასებლად.

წინამდებარე სტატია მომზადებულია ზოგადი საინფორმაციო მიზნებისთვის და არ წარმოადგენს ინდივიდუალურ სამართლებრივ კონსულტაციას ან იურიდიულ დასკვნას. კონკრეტულ საქმეზე გადაწყვეტილების მიღებამდე რეკომენდებულია კვალიფიციური იურისტისგან ინდივიდუალური სამართლებრივი კონსულტაციის მიღება.

ბლოგის გაზიარება: