Boutique Legal Advisory
სტრატეგიული სამართლებრივი პარტნიორი ბიზნესისთვის
contact@tblegal.ge
+995 551 29 33 88
იმიგრაცია და ბინადრობა
TB Legal უზრუნველყოფს სრულ სამართლებრივ მხარდაჭერას საქართველოში იმიგრაციის, ვიზისა და ბინადრობის ნებართვის საკითხებზე.
ჩვენ ვეხმარებით უცხოელ ფიზიკურ პირებს, ინვესტორებს, დასაქმებულებს, სტუდენტებსა და ოჯახის წევრებს შესაბამისი სამართლებრივი საფუძვლის განსაზღვრაში, განაცხადისა და საჭირო დოკუმენტების მომზადებაში, ბინადრობის ნებართვის მიღებასა და გაგრძელებაში, ასევე უარის ან სხვა ადმინისტრაციული გადაწყვეტილების გასაჩივრებაში.
ჩვენი გამოცდილება სასამართლო წარმომადგელობაში
ჩვენი მომსახურება იმიგრაციისა და ბინადრობის მიმართულებით
ბინადრობის ნებართვის საფუძვლის განსაზღვრა
ვაფასებთ კლიენტის მიზანს, სამართლებრივ სტატუსს და საქართველოში ყოფნის საფუძველს, რათა განვსაზღვროთ შესაბამისი ბინადრობის ნებართვის კატეგორია და განაცხადის ოპტიმალური სამართლებრივი გზა.
ბინადრობის ნებართვის მიღება
უზრუნველვყოფთ საჭირო დოკუმენტების სამართლებრივ შემოწმებას, განაცხადის მომზადებასა და ბინადრობის ნებართვის მიღების პროცედურის სრულ იურიდიულ მხარდაჭერას.
შრომითი და IT სფეროში ბინადრობა
ვუწევთ სამართლებრივ დახმარებას საქართველოში დასაქმებულ უცხოელებს, მათ შორის შრომითი და IT სფეროში დასაქმების საფუძველზე შესაბამისი ბინადრობის სტატუსის მიღების პროცესში.
საინვესტიციო და უძრავი ქონების საფუძველზე ბინადრობა
ვაფასებთ ინვესტიციისა და უძრავი ქონების საფუძველზე ბინადრობის ნებართვის მიღების წინაპირობებს და ვმართავთ შესაბამის ადმინისტრაციულ პროცედურას.
ოჯახის გაერთიანება და მეუღლის ბინადრობა
ვუწევთ სამართლებრივ დახმარებას ოჯახის გაერთიანების მიზნით ბინადრობის ნებართვის, ასევე საქართველოს მოქალაქის მეუღლის ბინადრობის სტატუსის მიღების პროცესში.
ვიზა, გაგრძელება და გასაჩივრება
დაჯავშნეთ კონსულტაცია
დაგვირეკეთ
+995 551 29 33 88
მოგვწერეთ
contact@tblegal.ge
დაგვიკავშირდით
LinkedIn-ზე
იმიგრაციისა და ბინადრობის შესახებ ანალიტიკური ბლოგები
როგორ ვმუშაობთ
01. საქმის სამართლებრივი შეფასება
ვაფასებთ კლიენტის საქართველოში ყოფნის საფუძველს, მიზანს, არსებულ სტატუსს და იმ სამართლებრივ გარემოებებს, რომლებიც გავლენას ახდენს ვიზის ან ბინადრობის ნებართვის მიღებაზე.
02. შესაბამისი სამართლებრივი გზის განსაზღვრა
ვადგენთ, რომელი ვიზის ან ბინადრობის ნებართვის კატეგორია შეესაბამება კონკრეტულ შემთხვევას და რა პირობების დაკმაყოფილებაა საჭირო განაცხადის წარმატებით წარსადგენად.
03. დოკუმენტების მომზადება და განაცხადის წარდგენა
ვამოწმებთ საჭირო დოკუმენტებს, ვეხმარებით კლიენტს მათ სრულყოფაში და ვუზრუნველყოფთ განაცხადის მომზადებასა და შესაბამის ადმინისტრაციულ ორგანოში წარდგენასთან დაკავშირებულ სამართლებრივ მხარდაჭერას.
04. პროცესის მართვა და შემდგომი მხარდაჭერა
ვაკვირდებით საქმის მიმდინარეობას, ვპასუხობთ დამატებითი ინფორმაციის ან დოკუმენტების მოთხოვნებს და საჭიროების შემთხვევაში ვეხმარებით კლიენტს ნებართვის გაგრძელების, სტატუსის შეცვლის ან უარის გასაჩივრების პროცესში.
ძირითადი სამართლებრივი საკითხები
01.საქართველოში კანონიერად ყოფნის საფუძველი
ვიზის ან ბინადრობის ნებართვის პროცესის დაგეგმვისას მნიშვნელოვანია უცხოელის საქართველოში ყოფნის მოქმედი სამართლებრივი საფუძვლის, დაშვებული ყოფნის ვადის და შესაბამისი სტატუსის სწორად განსაზღვრა.
02. შესაბამისი ბინადრობის კატეგორიის შერჩევა
ბინადრობის ნებართვის თითოეულ სახეს განსხვავებული წინაპირობები აქვს. სამუშაო, სწავლა, ოჯახური კავშირი, ინვესტიცია, უძრავი ქონება ან სხვა საფუძველი უნდა შეესაბამებოდეს კონკრეტული ნებართვისათვის კანონით დადგენილ მოთხოვნებს.
03. დოკუმენტებისა და საკვალიფიკაციო პირობების შეფასება
განაცხადის წარმატებით განხილვისთვის მნიშვნელოვანია საჭირო დოკუმენტების სისწორის, მათი ფორმის, მოქმედების ვადის და შესაბამისი მატერიალური წინაპირობების წინასწარი შემოწმება. ცალკეულ შემთხვევებში მნიშვნელობა ენიჭება შემოსავალს, ქონების ღირებულებას, დასაქმებას, ინვესტიციას ან ოჯახური კავშირის დამადასტურებელ გარემოებებს.
04. ვადები და პროცედურული მოთხოვნები
ვიზისა და ბინადრობის საკითხებში განსაკუთრებული მნიშვნელობა აქვს კანონით დადგენილი ვადების დაცვას. განაცხადის დაგვიანებულმა წარდგენამ ან სტატუსის დროულად გაუგრძელებლობამ შესაძლოა გაართულოს შემდგომი პროცედურა.
05. გაგრძელება და სტატუსის ცვლილება
ბინადრობის ნებართვის მოქმედების გაგრძელება ყოველთვის მოითხოვს შესაბამისი საფუძვლის არსებობისა და დოკუმენტების ხელახალ შეფასებას. საჭიროების შემთხვევაში შესაძლოა დღის წესრიგში დადგეს ბინადრობის კატეგორიის შეცვლაც.
06. უარი და ადმინისტრაციული გადაწყვეტილების გასაჩივრება
ბინადრობის ნებართვაზე ან ვიზაზე უარის შემთხვევაში მნიშვნელოვანია გადაწყვეტილების სამართლებრივი საფუძვლის, გასაჩივრების ვადის და არსებული მტკიცებულებების დროული შეფასება, რათა განისაზღვროს ადმინისტრაციული ან სასამართლო გასაჩივრების შესაბამისი გზა.
იმიგრაცია და ბინადრობა საქართველოში – სამართლებრივი მხარდაჭერა უცხოელებისთვის
საქართველოში უცხოელის შემოსვლა, ცხოვრება, მუშაობა, სწავლა ან საინვესტიციო საქმიანობა სხვადასხვა საიმიგრაციო და ადმინისტრაციულ მოთხოვნასთან არის დაკავშირებული. შესაბამისი სამართლებრივი გზის არჩევა დამოკიდებულია პირის მოქალაქეობაზე, საქართველოში ყოფნის მიზანზე, საქმიანობაზე, ოჯახურ მდგომარეობაზე, ქონებაზე, ინვესტიციასა და სხვა ინდივიდუალურ გარემოებებზე.
TB Legal უცხოელ ფიზიკურ პირებსა და ბიზნესებს ეხმარება საქართველოში საიმიგრაციო სტატუსის დაგეგმვასა და შესაბამისი პროცედურების მართვაში. მომსახურება მოიცავს როგორც პირველადი სამართლებრივი საფუძვლის განსაზღვრას, ისე ვიზის, ბინადრობის ნებართვის, მისი გაგრძელების, სტატუსის ცვლილებისა და ადმინისტრაციული გადაწყვეტილებების გასაჩივრების საკითხებს.
ბინადრობის ნებართვის მიღების პროცესში ერთ-ერთი პირველი საკითხია იმის განსაზღვრა, თუ რომელი სამართლებრივი საფუძველი შეესაბამება კონკრეტული პირის მდგომარეობას.
საქართველოში უცხოელის საქმიანობა შეიძლება დაკავშირებული იყოს დასაქმებასთან, სამეწარმეო საქმიანობასთან, სწავლასთან, ოჯახის წევრთან გაერთიანებასთან, საქართველოს მოქალაქესთან ქორწინებასთან, უძრავი ქონების ფლობასთან, ინვესტიციასთან ან კანონით გათვალისწინებულ სხვა საფუძველთან.
სწორად შერჩეული კატეგორია მნიშვნელოვანია როგორც განაცხადის მომზადებისთვის, ისე შესაბამისი მტკიცებულებებისა და დოკუმენტების განსაზღვრისთვის.
ბინადრობის ნებართვის ძირითადი სახეების, პირობებისა და პროცედურის შესახებ დეტალური ინფორმაცია იხილეთ სტატიაში — ბინადრობის ნებართვა საქართველოში – სახეები, პირობები და მიღების პროცედურა.
საქართველოში მუშაობის ან პროფესიული საქმიანობის დაგეგმვისას უცხოელის საიმიგრაციო სტატუსი უნდა შეესაბამებოდეს მისი საქმიანობის სამართლებრივ საფუძველს. კონკრეტული შემთხვევის მიხედვით საჭიროა დასაქმების ფორმის, დამსაქმებლის, შემოსავლის, საქმიანობის ხასიათისა და სხვა გარემოებების შეფასება.
შრომითი საქმიანობის საფუძველზე ბინადრობის მიღების საკითხები დეტალურადაა განხილული სტატიაში — შრომითი ბინადრობის ნებართვა საქართველოში.
IT სექტორში დასაქმებული პირებისთვის შესაძლოა მოქმედებდეს განსხვავებული სამართლებრივი რეჟიმი და სპეციალური მოთხოვნები. ამ საკითხზე იხილეთ — IT სფეროში დასაქმებული პირის ბინადრობის ნებართვა საქართველოში.
საქართველოში ინვესტიცია ან უძრავი ქონების ფლობა გარკვეულ პირობებში შეიძლება გახდეს ბინადრობის სტატუსის მიღების საფუძველი.
ასეთ საქმეებში მნიშვნელოვანია საკუთრების ან ინვესტიციის სამართლებრივი ფორმის, ღირებულების, დამადასტურებელი დოკუმენტებისა და სხვა მოთხოვნების წინასწარი შეფასება.
უძრავი ქონების საფუძველზე ბინადრობის პირობებზე იხილეთ — ბინადრობის ნებართვა უძრავი ქონების საფუძველზე.
ინვესტორებისთვის მოქმედი რეჟიმის შესახებ დამატებითი ინფორმაცია მოცემულია სტატიაში — საინვესტიციო ბინადრობის ნებართვა საქართველოში.
ბინადრობის ნებართვის ძირითადი სახეები საქართველოში
შრომითი ბინადრობის ნებართვა
შრომითი ბინადრობის ნებართვა განკუთვნილია უცხოელებისთვის, რომლებიც საქართველოში ახორციელებენ შრომით ან სამეწარმეო საქმიანობას და აკმაყოფილებენ კანონმდებლობით დადგენილ შესაბამის პირობებს.
IT სფეროში დასაქმებული პირის ბინადრობის ნებართვა
IT სფეროში დასაქმებული უცხოელებისთვის კანონმდებლობა ითვალისწინებს სპეციალურ ბინადრობის რეჟიმს, რომლის გამოყენებაც დამოკიდებულია პირის საქმიანობასა და შესაბამისი სამართლებრივი კრიტერიუმების დაკმაყოფილებაზე.
უძრავი ქონების საფუძველზე ბინადრობის ნებართვა
საქართველოში შესაბამისი ღირებულების უძრავი ქონების საკუთრება შესაძლოა წარმოადგენდეს ბინადრობის ნებართვის მიღების სამართლებრივ საფუძველს. განაცხადამდე მნიშვნელოვანია ქონების სტატუსის, ღირებულებისა და სხვა მოთხოვნების სწორად შეფასება.
საინვესტიციო ბინადრობის ნებართვა
საქართველოში განხორციელებული ინვესტიცია შესაბამისი პირობების არსებობისას შეიძლება გახდეს საინვესტიციო ბინადრობის ნებართვის მიღების საფუძველი. ასეთ საქმეებში განსაკუთრებული მნიშვნელობა აქვს ინვესტიციის მოცულობისა და მისი დამადასტურებელი დოკუმენტების სწორად განსაზღვრას.
სასწავლო ბინადრობის ნებართვა
საქართველოში ავტორიზებულ საგანმანათლებლო დაწესებულებაში სწავლის მიზნით მყოფ უცხოელს შესაბამისი პირობების დაკმაყოფილების შემთხვევაში შეუძლია მოითხოვოს სასწავლო ბინადრობის ნებართვა.
ოჯახის გაერთიანების მიზნით ბინადრობის ნებართვა
ოჯახის გაერთიანების მიზნით ბინადრობის ნებართვა გამოიყენება იმ შემთხვევებში, როდესაც უცხოელის ბინადრობის საფუძველი საქართველოში კანონიერად მცხოვრებ ოჯახის წევრთან ურთიერთობას უკავშირდება.
საქართველოს მოქალაქის მეუღლის ბინადრობის ნებართვა
საქართველოს მოქალაქესთან ქორწინება შესაძლოა წარმოადგენდეს ბინადრობის ნებართვის მიღების დამოუკიდებელ სამართლებრივ საფუძველს. პროცესში ფასდება როგორც ქორწინების სამართლებრივი სტატუსი, ისე კანონით გათვალისწინებული სხვა წინაპირობები.
მუდმივი ბინადრობის ნებართვა
მუდმივი ბინადრობის ნებართვა უცხოელს ანიჭებს საქართველოში ხანგრძლივი ცხოვრების უფრო სტაბილურ სამართლებრივ სტატუსს და გაიცემა კანონით განსაზღვრული კონკრეტული საფუძვლებისა და პირობების არსებობისას.
საიმიგრაციო და სავიზო სამართლებრივი დახმარება
01. საქართველოს ვიზა
ვუწევთ სამართლებრივ დახმარებას საქართველოს შესაბამისი ვიზის კატეგორიის განსაზღვრის, საჭირო დოკუმენტების მომზადებისა და სავიზო პროცედურის სამართლებრივ მართვაში.
ბინადრობის ნებართვის გაგრძელება
ვაფასებთ არსებული ბინადრობის საფუძვლის შენარჩუნებას, შესაბამის პირობებსა და დოკუმენტებს და ვეხმარებით კლიენტს ნებართვის დროულად გაგრძელებაში.
03. ბინადრობის ნებართვის შეწყვეტასთან დაკავშირებული საკითხები
ვაფასებთ ბინადრობის სტატუსის შეწყვეტის სამართლებრივ საფუძვლებს, შესაძლო შედეგებს და კლიენტის შემდგომი სამართლებრივი მოქმედების გზებს.
04. ბინადრობის ნებართვაზე უარი და გასაჩივრება
უარის შემთხვევაში ვსწავლობთ ადმინისტრაციული ორგანოს გადაწყვეტილებას, ვაფასებთ გასაჩივრების საფუძვლებს და ვამზადებთ შესაბამის სამართლებრივ სტრატეგიას.
05. ვიზის გაგრძელება, შეწყვეტა და ვიზაზე უარი
ვუწევთ კლიენტებს სამართლებრივ დახმარებას ვიზის მოქმედებასთან დაკავშირებულ საკითხებში, მათ შორის გაგრძელების, შეწყვეტისა და უარის სამართლებრივი შეფასებისა და გასაჩივრების პროცესში.
06. დოკუმენტების მომზადება და ადმინისტრაციული წარმომადგენლობა
ვამოწმებთ განაცხადისთვის საჭირო დოკუმენტებს, ვეხმარებით მათ სწორად მომზადებაში და ვუზრუნველყოფთ კლიენტის სამართლებრივ მხარდაჭერას შესაბამის ადმინისტრაციულ პროცედურებში.
მომსახურების პაკეტები
საიმიგრაციო კონსულტაცია
ვაფასებთ კლიენტის სამართლებრივ მდგომარეობას, საქართველოში ყოფნის მიზანს და ვადგენთ შესაბამის ვიზის ან ბინადრობის ნებართვის გზას.
ვიზისა და ბინადრობის სრული მხარდაჭერა
უზრუნველვყოფთ დოკუმენტების შემოწმებას, განაცხადის მომზადებას და ვიზის ან ბინადრობის ნებართვის მიღების პროცესის სამართლებრივ მართვას.
უარის გასაჩივრება და სასამართლო პროცესი
ვაფასებთ უარის სამართლებრივ საფუძვლებს, ვადგენთ გასაჩივრების სტრატეგიას და წარმოვადგენთ კლიენტის ინტერესებს შესაბამის სასამართლო პროცესში.
რატომ TB Legal იმიგრაციისა და ბინადრობის საკითხებში
ჩვენი მიდგომა
01. საქმის ინდივიდუალური შეფასება
თითოეულ საქმეს ვაფასებთ კლიენტის მოქალაქეობის, საქართველოში ყოფნის მიზნის, არსებული სტატუსისა და კონკრეტული სამართლებრივი გარემოებების გათვალისწინებით.
02. შესაბამისი სამართლებრივი გზის შერჩევა
ვადგენთ ვიზის ან ბინადრობის ნებართვის შესაბამის კატეგორიას და წინასწარ განვსაზღვრავთ მის მისაღებად საჭირო პირობებსა და დოკუმენტებს.
03. პროცესის სრული სამართლებრივი მართვა
უზრუნველvყოფთ დოკუმენტების სამართლებრივ შემოწმებას, განაცხადის მომზადებას და შესაბამის ადმინისტრაციულ პროცედურაში კლიენტის მხარდაჭერას.
04. გრძელვადიანი საიმიგრაციო მხარდაჭერა
ვაგრძელებთ კლიენტის მხარდაჭერას ბინადრობის ნებართვის გაგრძელების, სტატუსის ცვლილების, ოჯახის წევრების საკითხებისა და საჭიროების შემთხვევაში გასაჩივრების ეტაპზეც.
ჩვენი პროფესიული უპირატესობები
TB Legal აერთიანებს საიმიგრაციო, ადმინისტრაციული, შრომითი, კორპორაციული და უძრავი ქონების სამართლის გამოცდილებას, რაც განსაკუთრებით მნიშვნელოვანია კომპლექსური საიმიგრაციო საკითხების გადაწყვეტისას.
ჩვენი გუნდი თითოეულ საქმეში წინასწარ აფასებს სამართლებრივ საფუძვლებს, შესაძლო რისკებსა და საჭირო დოკუმენტაციას, რათა პროცესი თავიდანვე სწორად დაიგეგმოს და კლიენტმა მიიღოს მკაფიო სამართლებრივი სტრატეგია.
ვემსახურებით როგორც უცხოელ ფიზიკურ პირებსა და მათ ოჯახებს, ისე ინვესტორებს, მეწარმეებსა და კომპანიებს, რომლებსაც საქართველოში საქმიანობისა და ცხოვრებისათვის საიმიგრაციო მხარდაჭერა სჭირდებათ.
ხშირად დასმული კითხვები
რომელი ბინადრობის ნებართვა მჭირდება საქართველოში?
შესაბამისი ბინადრობის ნებართვის არჩევა დამოკიდებულია საქართველოში ყოფნის მიზანზე, დასაქმებაზე, სწავლაზე, ოჯახურ კავშირზე, ინვესტიციაზე, უძრავ ქონებაზე და სხვა გარემოებებზე. თითოეული შემთხვევა ინდივიდუალურად უნდა შეფასდეს.
რა დოკუმენტებია საჭირო ბინადრობის ნებართვის მისაღებად?
საჭირო დოკუმენტები განსხვავდება ბინადრობის ნებართვის კატეგორიის მიხედვით. როგორც წესი, საჭიროა პირადობის, საქართველოში ყოფნის საფუძვლისა და კონკრეტული კატეგორიის შესაბამისი გარემოებების დამადასტურებელი დოკუმენტები.
შესაძლებელია ბინადრობის ნებართვის გაგრძელება?
დიახ. ბინადრობის ნებართვის გაგრძელება შესაძლებელია შესაბამისი საფუძვლისა და კანონით გათვალისწინებული პირობების არსებობის შემთხვევაში. მნიშვნელოვანია განაცხადის დროულად მომზადება და მოქმედი სტატუსის წინასწარი შეფასება.
რა შეიძლება გავაკეთო ბინადრობის ნებართვაზე უარის შემთხვევაში?
უარის შემთხვევაში საჭიროა გადაწყვეტილების დასაბუთების, გასაჩივრების ვადისა და არსებული მტკიცებულებების შეფასება. კონკრეტული გარემოებების მიხედვით შესაძლებელია ადმინისტრაციული ან სასამართლო გასაჩივრების შესაბამისი გზის გამოყენება.
რა განსხვავებაა ვიზასა და ბინადრობის ნებართვას შორის?
ვიზა, როგორც წესი, უკავშირდება საქართველოში შემოსვლისა და განსაზღვრული ვადით ყოფნის უფლებას, ხოლო ბინადრობის ნებართვა უცხოელს საქართველოში ცხოვრების უფრო ხანგრძლივ სამართლებრივ საფუძველს ანიჭებს.
შეუძლია თუ არა იურისტს ბინადრობის ან ვიზის პროცესში დახმარება?
იურისტს შეუძლია შეაფასოს შესაბამისი სამართლებრივი საფუძველი, შეამოწმოს დოკუმენტები, მოამზადოს განაცხადი, მართოს ადმინისტრაციული პროცესი და საჭიროების შემთხვევაში დაეხმაროს კლიენტს მიღებული გადაწყვეტილების გასაჩივრებაში.
გჭირდებათ დახმარება იმიგრაციისა და ბინადრობის საკითხებში?
თუ გეგმავთ საქართველოში ცხოვრებას, მუშაობას, სწავლას ან ინვესტირებას, მნიშვნელოვანია შესაბამისი საიმიგრაციო საფუძვლის სწორად განსაზღვრა. TB Legal დაგეხმარებათ ვიზის ან ბინადრობის ნებართვის შესაბამისი გზის შერჩევაში, დოკუმენტების მომზადებასა და პროცედურის სამართლებრივ მართვაში.
ჩვენ ასევე გთავაზობთ მხარდაჭერას ბინადრობის ნებართვის გაგრძელების, სტატუსის ცვლილების, ვიზაზე ან ბინადრობის ნებართვაზე უარის და ადმინისტრაციული გადაწყვეტილების გასაჩივრების საკითხებში.