I. ტენდერის შედეგების გასაჩივრება – რა მოხდა 66-მილიონიან სახელმწიფო შესყიდვაში?

TB Legal-მა მსხვილი ენერგეტიკული ინფრასტრუქტურის სახელმწიფო შესყიდვის ფარგლებში გამარჯვებულად გამოვლენილი პრეტენდენტის ინტერესები დაიცვა სახელმწიფო შესყიდვებთან დაკავშირებული დავების განხილვის საბჭოში.

სახელმწიფო შესყიდვა ეხებოდა 220 კვ ძაბვის ელექტროგადამცემი ხაზების სამშენებლო და სარეკონსტრუქციო სამუშაოებს, ხოლო ტენდერის სავარაუდო ღირებულება 65,963,611 ლარს, ანუ დაახლოებით 66 მილიონ ლარს შეადგენდა.

სატენდერო პროცედურის შედეგად ჩვენი კლიენტის სატენდერო წინადადება მოთხოვნებთან შესაბამისად იქნა მიჩნეული, კომპანია გამარჯვებულ პრეტენდენტად გამოვლინდა და ხელშეკრულების გასაფორმებლად იქნა მიწვეული.

კონკურენტმა პრეტენდენტმა აღნიშნული გადაწყვეტილება სახელმწიფო შესყიდვებთან დაკავშირებული დავების განხილვის საბჭოში გაასაჩივრა და სატენდერო კომისიის იმ გადაწყვეტილების გაუქმება მოითხოვა, რომლითაც ჩვენი კლიენტი გამარჯვებულად გამოვლინდა.

TB Legal საქმეში წარმოადგენდა გამარჯვებულ პრეტენდენტს, როგორც დაინტერესებულ მხარეს.

II. ტენდერში გამარჯვებული პრეტენდენტის ინტერესების დაცვა

სახელმწიფო შესყიდვის პროცედურა ყოველთვის არ სრულდება პრეტენდენტის გამარჯვებულად გამოვლენით.

კონკურენტ პრეტენდენტს კანონმდებლობით განსაზღვრულ შემთხვევებში შეუძლია გაასაჩივროს სატენდერო კომისიის გადაწყვეტილება და მოითხოვოს მისი გაუქმება. ასეთ ვითარებაში უკვე გამარჯვებულ კომპანიას უჩნდება საკუთარი სატენდერო შედეგის დაცვის საჭიროება.

მოცემულ საქმეშიც კონკურენტის საჩივრის დაკმაყოფილებას შეეძლო გავლენა მოეხდინა ჩვენი კლიენტის გამარჯვებულის სტატუსზე და მთლიანად შეეცვალა ტენდერის შემდგომი მიმდინარეობა.

TB Legal-ის ამოცანა იყო საბჭოს წინაშე სრულად ყოფილიყო წარმოდგენილი გამარჯვებული პრეტენდენტის პოზიცია და დაცული ყოფილიყო სატენდერო კომისიის მიერ მიღებული გადაწყვეტილების სამართლებრივი საფუძვლიანობა.

III. სატენდერო კომისიის გადაწყვეტილების გასაჩივრება და დაინტერესებული მხარის პოზიცია

კონკურენტი პრეტენდენტის საჩივარი შეეხებოდა ჩვენი კლიენტის სატენდერო წინადადების სხვადასხვა კომპონენტის შეფასებას.

საქმე მოიცავდა როგორც სამართლებრივ, ისე ტექნიკურ და სატენდერო დოკუმენტაციასთან დაკავშირებულ საკითხებს.

TB Legal-ის მიერ განხორციელდა საჩივრისა და საქმის მასალების დეტალური სამართლებრივი ანალიზი და მომზადდა დაინტერესებული მხარის წერილობითი პოზიცია.

ჩვენი წარმომადგენლობა არ შემოიფარგლა მხოლოდ საწყისი წერილობითი პასუხით.

საქმის განხილვის პროცესში მომჩივნის მიერ დამატებით იქნა წარმოდგენილი ახალი პოზიციები და დოკუმენტები, რომლებზეც ჩვენი მხრიდან მომზადდა შესაბამისი დამატებითი წერილობითი პასუხები და წარმოდგენილი იქნა კლიენტის პოზიციის დამადასტურებელი მასალები.

IV. დავების განხილვის საბჭოში წარმომადგენლობა

სახელმწიფო შესყიდვებთან დაკავშირებული დავების განხილვის საბჭოში საქმის განხილვის დროს განსაკუთრებით მნიშვნელოვანია, რომ დაინტერესებულმა მხარემ საკუთარი პოზიცია სრულად წარმოადგინოს როგორც წერილობით, ისე სხდომაზე.

TB Legal-მა კლიენტის ინტერესები დაიცვა დავების განხილვის საბჭოს სხდომაზეც.

საქმის ფარგლებში საბჭოს წინაშე წარმოდგენილი იქნა ჩვენი პოზიცია კონკურენტი პრეტენდენტის მიერ განვითარებულ ძირითად პრეტენზიებთან დაკავშირებით და დასაბუთდა, რატომ არ არსებობდა სატენდერო კომისიის გადაწყვეტილების გაუქმების საფუძველი.

V. დამატებითი მტკიცებულებებისა და პოზიციების წარდგენა სახელმწიფო შესყიდვების დავაში

საქმის განხილვის პროცესში კონკურენტმა პრეტენდენტმა დამატებით სცადა ჩვენი კლიენტის სატენდერო შესაბამისობის ცალკეული საკითხების სადავოდ ქცევა.

ამ გარემოებებზე TB Legal-ის მიერ დამატებით მომზადდა წერილობითი პოზიცია და წარმოდგენილი იქნა შესაბამისი დოკუმენტაცია.

დამატებითი პოზიცია მოიცავდა როგორც საქმის პროცედურული გარემოებების, ისე პრეტენდენტის გამოცდილებისა და წარმოდგენილი დოკუმენტების შესაბამისობის სამართლებრივ შეფასებას.

ამ ნაწილშიც ჩვენი მიზანი იყო საბჭოსთვის წარმოდგენილიყო საქმის სრული სურათი და კლიენტის პოზიციის მხარდამჭერი ყველა რელევანტური გარემოება.

VI. რა შედეგით დასრულდა ტენდერის შედეგების გასაჩივრება?

სახელმწიფო შესყიდვებთან დაკავშირებული დავების განხილვის საბჭომ კონკურენტი პრეტენდენტის საჩივარი არ დააკმაყოფილა.

საბჭომ დაადგინა, რომ მომჩივნის მიერ წარმოდგენილი არგუმენტები არ ადასტურებდა სატენდერო კომისიის გადაწყვეტილების სახელმწიფო შესყიდვების მარეგულირებელ კანონმდებლობასთან შეუსაბამობას.

შედეგად:

• ძალაში დარჩა სატენდერო კომისიის გადაწყვეტილება;
• ჩვენი კლიენტის სატენდერო წინადადება კვლავ მიჩნეული დარჩა მოთხოვნებთან შესაბამისად;
• კლიენტმა შეინარჩუნა ტენდერში გამარჯვებული პრეტენდენტის სტატუსი;
• დაახლოებით 66-მილიონიანი სახელმწიფო შესყიდვის პროცედურა ხელშეკრულების მომზადების ეტაპზე გაგრძელდა.

იხილეთ სახელმწიფო შესყიდვებთან დაკავშირებული დავების განხილვის საბჭოს გადაწყვეტილება

საბჭოს 2026 წლის 24 აგვისტოს გადაწყვეტილებით კონკურენტი პრეტენდენტის საჩივარი არ დაკმაყოფილდა.

VII. რატომ არის მნიშვნელოვანი გამარჯვებული პრეტენდენტის სამართლებრივი დაცვა?

სახელმწიფო ტენდერში გამარჯვება კომპანიას მნიშვნელოვან კომერციულ შესაძლებლობას აძლევს, განსაკუთრებით მაშინ, როდესაც საქმე მსხვილ ინფრასტრუქტურულ პროექტს ეხება.

ამავდროულად, გამარჯვებულის სტატუსი შესაძლოა კონკურენტი პრეტენდენტის საჩივრის შედეგად დავის საგანი გახდეს.

ასეთ შემთხვევაში სამართლებრივი წარმომადგენლობა მნიშვნელოვანია იმისათვის, რომ საბჭოს წინაშე სრულად იქნეს წარმოდგენილი გამარჯვებული პრეტენდენტის პოზიცია, შეფასდეს საჩივარში მითითებული გარემოებები და დაცული იქნეს უკვე მიღებული სატენდერო შედეგი.

მოცემულ საქმეში აღნიშნული სამართლებრივი დაცვის შედეგად კლიენტმა შეინარჩუნა გამარჯვებული პრეტენდენტის სტატუსი დაახლოებით 66 მილიონი ლარის ღირებულების სახელმწიფო შესყიდვაში.

VIII. TB Legal-ის გამოცდილება სახელმწიფო შესყიდვების დავებში

TB Legal სახელმწიფო შესყიდვების მიმართულებით სამართლებრივ დახმარებას უწევს როგორც სატენდერო გადაწყვეტილების გასაჩივრების მსურველ პრეტენდენტებს, ისე გამარჯვებულ კომპანიებს, რომელთა სატენდერო შედეგიც კონკურენტის მიერ არის გასაჩივრებული.

ჩვენი მომსახურება მოიცავს:

• სატენდერო კომისიის გადაწყვეტილებების სამართლებრივ შეფასებას;
• სახელმწიფო შესყიდვებთან დაკავშირებული საჩივრების ანალიზს;
• დაინტერესებული მხარის წერილობითი პოზიციის მომზადებას;
• დამატებით წარმოდგენილ გარემოებებსა და დოკუმენტებზე საპასუხო პოზიციის შემუშავებას;
• სახელმწიფო შესყიდვებთან დაკავშირებული დავების განხილვის საბჭოში წარმომადგენლობას;
• ტენდერში გამარჯვებული პრეტენდენტის ინტერესების დაცვას.

TB Legal-ის გამოცდილება მოიცავს მსხვილ და ტექნიკურად კომპლექსურ სახელმწიფო შესყიდვებთან დაკავშირებულ დავებს, მათ შორის ენერგეტიკისა და ინფრასტრუქტურის სფეროში.

სახელმწიფო შესყიდვებში სამართლებრივი რისკები შეიძლება წარმოიშვას ტენდერის გამოცხადებიდან ხელშეკრულების გაფორმებამდე პროცესის სხვადასხვა ეტაპზე. პრეტენდენტისთვის მნიშვნელოვანია როგორც სატენდერო პირობებისა და საკუთარი წინადადების წინასწარი სამართლებრივი შეფასება, ისე მიღებული გადაწყვეტილების გასაჩივრების ან უკვე მოპოვებული შედეგის დაცვისთვის დროული რეაგირება.

TB Legal-ის იურიდიული მომსახურება სახელმწიფო შესყიდვების მიმართულებით მოიცავს პრეტენდენტების მხარდაჭერას სატენდერო დოკუმენტაციის შეფასების, საჩივრებისა და წერილობითი პოზიციების მომზადების, კონკურენტი პრეტენდენტის შესაბამისობის შეფასებისა და სახელმწიფო შესყიდვებთან დაკავშირებული დავების განხილვის საბჭოში წარმომადგენლობის მიმართულებით.

სახელმწიფო შესყიდვებთან დაკავშირებული ცალკეული სამართლებრივი საკითხების შესახებ დამატებით შეგიძლიათ იხილოთ ჩვენი პრაქტიკული მასალები:

• პრეტენდენტის დისკვალიფიკაცია ტენდერში – 5 მნიშვნელოვანი საკითხი დავების საბჭოს პრაქტიკიდან
• სატენდერო გარანტია – როდის ბრუნდება ელექტრონული გარანტია და რა რისკები აქვს პრეტენდენტს?
• სატენდერო ამხანაგობა: როგორ მივიღოთ მონაწილეობა სახელმწიფო ტენდერში რესურსების გაერთიანებით?
• ტენდერის გასაჩივრება – წარმატებული სატენდერო დავის ანატომია