იურიდიული ფირმა TB Legal-ის მმართველი პარტნიორი, ბიზნეს სამართლის ექსპერტი დოქტორი გიგა ადამია, შეუერთდა კავკასიის უნივერსიტეტის სამართლის სკოლას ასისტენტ-პროფესორის პოზიციაზე.
სამართლის დოქტორი გიგა ადამია მრავალი წელია აქტიურად მუშაობს სახელშეკრულებო, საკორპორაციო, კონკურენციისა და ენერგეტიკის სამართლის სფეროებში, სადაც იგი აქტიურად ახორციელებს პრაქტიკულ და აკადემიურ საქმიანობებს. მისი პროფესიული გამოცდილება მოიცავს თანამშრომლობას საერთაშორისო ორგანიზაციებთან, წამყვან იურიდიულ ფირმებთან და მარეგულირებელ ინსტიტუტებთან, სადაც იგი მონაწილეობდა სამართლებრივი სტრატეგიების შემუშავებასა და რეგულაციური პოლიტიკის ფორმირებაში.
აკადემიური საქმიანობა
კავკასიის უნივერსიტეტში ბიზნეს სამართლის ექსპერტი გიგა ადამია სტუდენტებს გაუზიარებს როგორც თეორიულ ცოდნას, ასევე პრაქტიკულ გამოცდილებას, რაც აუცილებელია თანამედროვე სამართლებრივი გამოწვევების გასაგებად და სამართლებრივი ანალიზის უნარების განვითარებისთვის.
მისი აკადემიური საქმიანობა ძირითადად დაკავშირებული იქნება შემდეგ მიმართულებებთან, როგორიცაა სახელშეკრულებო და საკორპორაციო სამართალი, ევროკავშირისა და საქართველოს კონკურენციის სამართალი, სახელმწიფო შესყიდვების სამართალი და სხვა.
პროფესიული და აკადემიური საქმიანობის სინერგია
დოქტორი გიგა ადამია არის ბიზნეს სამართლის ექსპერტი, მკვლევარი და პრაქტიკოსი იურისტი, რომლის საქმიანობა აერთიანებს სამართლებრივ პრაქტიკას, აკადემიურ კვლევასა და პროფესიული ცოდნის გაზიარებას.
კავკასიის უნივერსიტეტში მისი არჩევა კიდევ ერთხელ უსვამს ხაზს პროფესიულ გამოცდილებასა და ცოდნას, რომელიც ხელს უწყობს როგორც იურიდიული პრაქტიკის განვითარებას, ასევე მომავალი იურისტების განათლებას.
